ӨФӨ, 2018 йыл, 22 ғинуар. /«Башинформ» мәғлүмәт агентлығы, Ксения Калинина/. Өфөлә 26 йәшлек Үзбәкстан гражданы 23 йәшлек ҡыҙҙың ҡулын һорай, ләкин ул уға тәҡдимен кире ҡаға. Алдан
хәбәр ителгәнсә, уҙған йылдың декабрендә Черниковка биҫтәһендәге магазинда ҡот осҡос фажиғә теркәлде. Ҡыҙ ярҙам һорап бинаға килеп инә. Ир уға 17 тапҡыр бысаҡ менән сәнсә һәм үҙенә ҡул һалырға маташа, ләкин килеп сыҡмай. Ваҡиға шаһиттарының береһе төшөргән видеола ҡанға батҡан енәйәтсе иҙәндә ята һәм үҙен үлтереүҙәрен һорай.