Өфөләге парковкала бизнесмендың ғүмеренә ҡул һуҙыу осрағы буйынса енәйәт эше ҡуҙғатылды

автор

IMPORT Сервисный

ӨФӨ, 2017 йыл, 20 октябрь. /«Башинформ» мәғлүмәт агентлығы, Ксения Калинина/. 20 октябрҙә иртән Өфөлә Минһажев урамындағы ер аҫты парковкаһында билдәһеҙ кеше 40 йәшлек бизнесменға һөжүм иткән. Лайф мәғлүмәттәре буйынса, енәйәтсе уның башына атҡан.

«Башинформ» агентлығы хәбәр иткәнсә, яраланған бизнесмен дауаханаға оҙатылған. Уның хәле ауыр тип баһалана.

«Рәсәй Тәфтиш комитетының Башҡортостан буйынса тәфтиш идаралығы кеше ғүмеренә ҡул һуҙыу осрағы буйынса енәйәт эше ҡуҙғатты. Урында тәфтиш-оператив төркөм эшләй. Кисектергеһеҙ тикшереү эштәре башҡарыла. Ваҡиға сәбәптәре һәм енәйәт ҡылыуға ҡатнашы булған кешеләр асыҡлана», — тип аңлатма бирҙе республика тәфтиш идаралығы етәксеһенең өлкән ярҙамсыһы Светлана Абрамова.

Киң мәғлүмәт саралары зыян күреүсенең Санкт-Петербургтағы металл конструкциялар етештереү заводы хужаһы, шулай уҡ республиканың баш ҡалаһында бер нисә фирманы ойоштороусы икәнлеге хаҡында хәбәр итә.

Һуңғы ваҡытта был баш ҡалала эшҡыуарҙарға һөжүм итеүҙең өсөнсө осрағы. 2017 йылдың 28 авгусында Өфөлә Армавир урамында үҙенең шәхси автомобилендә полицияның элекке хеҙмәткәре Сергей Кожевников шартлатылды.

28 сентябрҙә Менделеев урамында билдәһеҙ кеше бизнесы тендерҙар менән бәйле ҡатындың сит ил машинаһына травматик пистолеттан атты. Ҡатындың йәрәхәттәре ауыр түгел. Һөжүм иткән ваҡытта ул машинала водитель урынында ултырған.

1 из 8

#кеше ғүмеренә ҡул һуҙыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.