Башҡортостанда өлкәндәрҙең һәм балаларҙың ғүмерен өҙгән янғын хаҡында тулыраҡ мәғлүмәт билдәле булды

шәхси архив

ӨФӨ, 2017 йыл, 13 октябрь. /«Башинформ» мәғлүмәт агентлығы/. 10 октябрҙә төндә Благовещен районының Дмитриевка ауылында сыҡҡан янғында дүрт кеше — оло йәштәге ҡатын, ир-егет һәм ике бәләкәй баланың ғүмере өҙөлдө. Күршеһе Алексей Прохоров зыян күргәндәргә ярҙам итеүҙәрен һорап мөрәжәғәт итте.

«Янғында зыян күргәндәргә кейем-һалым (буйы 170 сантиметр), аҙыҡ-түлек, медикаменттар (бинттар, тән бешеүен дауалау өсөн препараттар) менән ярҙам итергә теләгән кешеләр миңә 8-987-258-43-48 номерына шылтыратһын ине. Өфөгә килеп, әйберҙәрҙе алып ҡайтырмын һәм ошо шәмбе Дмитриевка ауылына алып барырмын», — тип яҙҙы социаль селтәрҙә Алексей.

Алдан хәбәр ителгәнсә, өйҙә 54 йәшлек ҡатындың, уның 3 һәм 5 йәшлек ейәндәренең һәм ҡунаҡтарҙың береһенең кәүҙәләре табылды. Һәләк булған хужабикәнең 34 йәшлек ҡыҙы иҫән ҡалды, әммә тәненең 40 проценты бешкән. Әле ул дауаханала. Уның өйҙәш ире һәм ҡунаҡтың өйҙәш ҡатыны янғындан ҡотолоп ҡала алған. Ут сығыуға йортта йәшәүселәрҙең янғын хәүефһеҙлеге ҡағиҙәләрен боҙоуы сәбәпсе булыуы ихтимал.

«Башинформ» агентлығы хәбәрсеһе ҡот осҡос төндә ағас йортта саҡ янып үлмәгән Сергей исемле өйҙәш ир менән һөйләште. Ул фажиғәгә килтергән осраҡты бәйән итте.

«Беҙ был өйгә март аҙағында күсендек. Ҡатыным Дөртөйлөләге фатирын һатты. Риелтор 1 миллион 250 мең һум аҡсаны һаҡларға алды һәм Тимашев ауылында беҙгә яҡшы йорт һатып аласаҡмын, тине. Аҡса бөтмәһен өсөн Дмитриевкала ошо өйҙә йәшәп торорға тәҡдим итте. Унда һыу юҡ ине, ут рөхсәтһеҙ тоташтырылғайны. Бер айҙан һуң риелтор был йортто беҙгә 750 мең һумға һатам, тине. Беҙ риза булманыҡ, ул телефонын алмай башланы һәм юғалды. 10 октябрҙә төндә янғын сыҡты», — тип һөйләне әңгәмәсе.

Фажиғәле төндә йортта һигеҙ кеше — ике бәләкәй бала, уларҙың әсәһе, өләсәһе, әсәһенең өйҙәш ире һәм уның ағаһы, шулай уҡ ике танышы булған.

Сергей әйтеүенсә, Благовещен ҡалаһының хоҡуҡ һаҡлау органдарында риелторға ғариза яҙғандар, һуңынан эште фатир буйынса килешеү урынына — Дүртөйлөгә ебәргәндәр.

«Хеҙмәткәрҙәр бер тапҡыр килеп, беҙҙән һорау алды. Һуңынан шылтыратып, һорау алыуға саҡырҙылар. Беҙҙең юлға аҡсабыҙ юҡ ине, ара ла алыҫ, балаларҙы яңғыҙ ҡалдырырға теләмәнек», — тип билдәләне әңгәмәсе.

Әлеге янғында зыян күргәндәр күршеһендә йәшәй. Артабан улар үҙҙәре менән нимә буласағын белмәй. Бөгөн һәләк булғандарҙы ерләйҙәр.

Күршеһе Алексей янған йорттоң ярым ташландыҡ хәлдә булғанлығын өҫтәне. Йәнәһе лә унда 40-ҡа яҡын кеше теркәлгән.

Республиканың Тәфтиш комитеты фажиғәле осраҡ буйынса «һаҡһыҙлыҡ арҡаһында үлемгә дусар итеү» статьяһына ярашлы енәйәт эше ҡуҙғатты. Әле енәйәттең сәбәптәре, шулай уҡ уны ҡылыуға ҡатнашы булған кеше йәки кешеләр асыҡлана.

#янғын #зыян күргәндәргә ярҙам #рәсәйҙең башҡортостан буйынса тәфтиш комитеты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.