Республикала эвакуацияланған автомобилдәр өсөн штрафты яңы тарифтар буйынса түләйәсәктәр

ӨФӨ, 2017 йыл, 7 июль. /«Башинформ» мәғлүмәт агентлығы, Ольга Мортазина /. Башҡортостанда республика Дәүләт Йыйылышының 44-се ултырышында депутаттар махсуслаштырылған туҡталҡаларҙа эвакуацияланған автомобилдәрҙе һаҡлау өсөн тарифтарҙы үҙгәрткән закон ҡабул итте. Бер сәғәт һаҡлау хаҡы (беренсе тәүлектән һуң – тәүге тәүлеге бушлай) 25 һумдан 53 һум 56 тингә тиклем арта. Законда эвакуатор урынынан ҡуҙғалып киткәнгә тиклем водитель килеп өлгөрһә автомобилде ҡайтарыу мөмкинлеге ҡаралған. Ул саҡта тейәү һәм бушатыу өсөн генә түләргә кәрәк буласаҡ.

Башҡа осраҡта автомобиль хужаһына эвакуаторҙың эше өсөн – 1,5 мең һум, штраф – 1,5 мең һум һәм тәүлектән ашыу туҡталҡала торған сәғәттәр өсөн түләргә тура киләсәк.