Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Хәл-ваҡиғалар
2 Декабрь 2016, 17:45

Рәсәй Федераль хәүефһеҙлек хеҙмәте илдең финанс системаһын ҡаҡшатыу буйынса сит ил кибер-һөжүмен кире ҡағырға әҙерләнә

Андрей Старостин
Андрей Старостин
ӨФӨ, 2016 йыл, 2 декабрь. /«Башинформ» мәғлүмәт агентлығы, Әлим Фәйезов/. Рәсәй Федераль хәүефһеҙлек хеҙмәте 2016 йылдың 5 декабренән алып сит ил махсус хеҙмәттәренең Рәсәйҙең финанс системаһын, шул иҫәптән бер нисә ҙур банктың эшмәкәрлеген ҡаҡшатыу маҡсатында күләмле кибер-һөжүм әҙерләүе хаҡында мәғлүмәт алды.
Оператив-эҙләү саралары һөҙөмтәһендә кибер-һөжүм итеү өсөн сервер ҡеүәттәре һәм команда үҙәктәренең Нидерландтарҙа урынлашыуы һәм Украинаның BlazingFast хостинг компанияһына ҡарауы асыҡланған.
Кибер-һөжүм ваҡытында социаль селтәрҙәрҙә (блогтарҙа) Рәсәйҙәге кредит-финанс системаһының көрсөгө, федераль һәм төбәк әһәмиәтендәге ҡайһы бер банктарҙың банкротлығы, лицензияларын тартып алыу тураһында мәҡәләләр, SMS-хәбәрҙәр ебәреү күҙаллана. Акция Рәсәйҙең бер нисә тиҫтә ҡалаһына йүнәлтелгән.
Рәсәй Федераль хәүефһеҙлек хеҙмәте сайтында хәбәр итеүҙәренсә, ведомство «Рәсәйҙең иҡтисади һәм мәғлүмәти хәүефһеҙлегенә янауҙарҙы бөтөрөү һәм әлеге акцияны документтар менән нигеҙләү буйынса тейешле сараларҙы тормошҡа ашыра».
Читайте нас: