Башҡортостан мәктәптәрендә 5 яңыртылған стоматология кабинеты эшләй башланы

Башҡортостанда 2024 йылда башланған стоматология кабинеттарын яңыртыу эше бара. Был 16 кабинетҡа ҡағыла.

Республика мәғариф министрлығының матбуғат хеҙмәте хәбәр итеүенсә, быйыл 8 яңыртылған стоматология кабинетын асыу планлаштырыла. 1 сентябрҙә, Белем көнөндә, Благовещендың 6-сы мәктәбендә, Дүртөйлө ҡалаһының 5-се мәктәбендә, Ҡариҙелдең 2-се мәктәбендә, Ҡырмыҫҡалы ауылының 2-се мәктәбендә һәм Межгорьеның 2-се мәктәбендә стоматология кабинеттары үҙ ишектәрен асты.

Уҡыусыларҙы һәм уларҙың ата-әсәләрен район хакимиәте башлыҡтары һәм уларҙың урынбаҫарҙары, мәғариф идаралығы органдары етәкселәре, шулай уҡ район поликлиникаларының баш табиптары ҡотланы.

Кабинеттарҙа капиталь ремонт эшләнгән, ғәмәлдәге стандарттарға ярашлы заманса стоматология ҡорамалдары менән йыһазландырылған, төрлө төҫтәге кәрәҙҙәр рәүешендә биҙәлгән.

Хәтерегеҙгә төшөрәбеҙ, 2019 йылдан алып «Юғарыға ос!» мәғариф проектының «Сәләмәт йылмайыу» модуле сиктәрендә республиканың 134 мәктәбендә стоматология кабинеттары асылды һәм яңынан йыһазландырылды.

https://www.bashinform.ru/news/obrazovanie/2025-09-04/v-shkolah-bashkirii-zarabotali-5-obnovlennyh-stomatkabinetov-4372583