Башҡортостан Башлығы республика аграрийҙары эшенең үҙенсәлектәре тураһында һөйләне
Бөгөн 2026 йылда уңыш йыйыуҙа юғары һөҙөмтәләргә өлгәшкән өсөн конкурс еңеүселәренә еңел автомобиль асҡыстары тапшырыу тантанаһынан һуң Башҡортостан Башлығы «Башинформ» хәбәрсеһенә биргән интервьюһында аграрийҙарҙың хеҙмәте еңел түгеллеге һәм уларҙың эше ҙур ихтирамға лайыҡ булыуы хаҡында һөйләне.
«Уларҙың ҡулдарын ҡыҫаһың, ҡулдары шундай көслө, һөйәлле. Бик ауыр хеҙмәт. Яңы техника килә, улар 80 миллион һумлыҡ тракторҙарҙа эшләй. Бер аҙ борсолам. Иртәгә агросәнәғәт комплексы хеҙмәткәрҙәре көнөнә арналған тантаналы йыйылыш. Ләкин Санкт-Петербургта Креатив иҡтисад форумы башлана, мине сығыш яһарға саҡырҙылар, шуға күрә бөгөн мин Санкт-Петербургка осам һәм иртәгә була алмайым, шуға күрә бөтә аграрийҙарға ҡотлау һүҙҙәрен, изге теләктәремде еткерәм.
Быйыл һәйбәт уңыш йыйып алдыҡ. Төрлө сәбәптәргә, һауа шарттарына ҡарамайынса, 4 миллион тонна ашлыҡ йыйырға тейешбеҙ. Бының өсөн механизация, ашламалар, яҡшы, аҡыллы агрономия кәрәк. Селекция мөһим, бөтә технологик цикл, әгәр уйлап эшләһәк, 4 миллион тонна йыя алабыҙ.
Беләһегеҙме, бәлә нимәлә? Хаҡтар үҙгәреп тора. Беҙ барыбыҙ ҙа донъя конъюнктураһына бәйлебеҙ. Ауыл хужалығы өсөн дәүләт ярҙамы саралары бик күп. Беҙ Рәсәй Ауыл хужалығы министрлығынан байтаҡ аҡса алабыҙ. Ҡеүәтле федераль ярҙам бар. Тағы бер тапҡыр әйтәм, был бизнес түгел, был ауыр, үтә ауыр хеҙмәт», — тип билдәләне Радий Хәбиров.
Комбайнсылар һәм механизаторҙар менән аралашҡанда уларҙың ниндәй техникала эшләүе менән генә түгел, ә райондарҙағы юлдарҙың торошо менән дә ҡыҙыҡһындым, тип һөйләне республика етәксеһе.
«Хәйбулла егетен күрҙегеҙ бит. Сибай – Аҡъяр юлын эшләнеләрме- юҡмы, тип һораным унан. Мин уның ниндәй хәлдә икәнен, күпме ҡалғанын беләм бит. Мин ике йыл эсендә эшләрбеҙ тип уйлағайным, күрәһегеҙме, өс йыл ярымға һуҙылды. Ярай, быйыл эште тамамларбыҙ.
Юлдарҙы йүнәтәбеҙ, ә ҙур йөк машиналары уларҙы емерә. Беҙ хатта юлдарҙы емермәһендәр өсөн программа ҡабул иттек. Ҡом һәм ҡырсынташ ташый башлағас, Урал аръяғында ғына түгел, Өфө янында ла юлдар боҙола, был мәсьәлә менән шөғөлләнергә кәрәк», — тине республика Башлығы.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.