Радий Хәбиров Мишустинға Башҡортостандың ауыл хужалығы сәнәғәте хаҡында һөйләне
Бөгөн Мәскәүҙә башланған «Алтын көҙ» XXVIII Рәсәй агросәнәғәт күргәҙмәһендә Башҡортостандың стендын ил хөкүмәте рәйесе Михаил Мишустин, вице-премьер Дмитрий Патрушев һәм ауыл хужалығы министры Оксана Лут ҡараны. Республика Башлығы Радий Хәбиров етәкселәргә төбәктең ауыл хужалығы тармағындағы ҡаҙаныштары, ҙур проекттар тураһында һөйләне.
Башҡортостан күргәҙмәлә 144 квадрат метрлыҡ майҙанда малсылыҡ, үҫемлекселек, биотехнологиялар өлкәләрендәге ғилми-технологик проекттарын тәҡдим итә. Улар араһында — Башҡортостан дәүләт аграр университетында үҫемлектәрҙе һанлы фенотиплаштырыу өсөн эшләнгән программа-аппарат комплексы ла бар. Ул селекция эшен күпкә тиҙләтеү мөмкинлеген бирә.
«Республиканы үҙебеҙҙең орлоҡ фонды менән тәьмин итеү бурысын ҡуйып, уны тормошҡа ашырыу өсөн Рәсәй Фәндәр академияһы Өфө федераль тикшеренеүҙәр үҙәгендәге Биохимия һәм генетика институтының, беҙҙең аграр университеттың, шулай уҡ ҡеүәтле индустриаль партнерҙың мөмкинлектәрен берләштерҙек. Был ауыл хужалығы культураларын селекциялау өлкәһендә уникаль проект булдырыуға юл асты. Федераль ярҙам арҡаһында юғары уҡыу йортоноң ғилми-белем биреү базаһын да етди яҡшыртыуға өлгәштек», — тип белдерҙе Радий Хәбиров.
БДАУ ректоры Илдар Ғәбитов үҫемлектәрҙе һанлы фенотиплаштырыу технологияһы хаҡында ентекләп һөйләне. Ул белгестәрҙең үҫемлектәрҙең уңдырышлылығын нисек баһалауы хаҡында бәйән итте.
Рәсәй Хөкүмәте рәйесе башҡорт селекционерҙарының ғилми эшләнмәһен юғары баһаланы.
«Был — төрлө культураларҙы заказсы талаптарына ярашлы үҫтереү өсөн яҡшы мөмкинлек, — тине Михаил Мишустин. — Радий Фәрит улы, һеҙҙең төрлө өлкәләге ғилми эҙләнеүҙәргә иғтибарлы мөнәсәбәтегеҙ тураһында беләм. Республикала генетика буйынса башҡарылған эштәр үҙебеҙҙә етештерелгән орлоҡтар иҫәбенә аҙыҡ-түлек хәүефһеҙлеген тәьмин итеү мәсьәләһен яйға һалыу мөмкинлеген бирә».
Башҡортостан стендын шулай уҡ Рәсәй төбәктәре башлыҡтары, тармаҡ предприятиелары һәм ойошмалары етәкселәре килде. Ҡунаҡтарға республиканың ауыл хужалығы тармағының мөмкинлектәре, шул иҫәптән роботлаштырылған «ROБOLAБ» ПЦР-диагностикаһы һәм «Һанлы умарта» умарталыҡтар менән идара итеү системаһы хаҡында һөйләнеләр.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.