Республикала эшләмәгән ата-әсәләр өсөн балалар пособиеһы күләме яңыртылды

Башҡортостанда 1 февралдән республикала эшләмәгән граждандар өсөн баланы йәш ярымға тиклем ҡарау буйынса пособие күләме (Урал коэффициентын иҫәпкә алып) 12 270 һум тәшкил иткән. Эшләп йөрөгән ата-әсәләргә түләү автоматик рәүештә башҡарылһа, эшләмәгәндәргә пособиены «мохтажлыҡты комплекслы баһалағандан һуң» ғына хуплайҙар (ғаиләнең килемен һәм мөлкәтен тикшерәләр).

Бер үк ваҡытта баланы йәш ярымға тиклем ҡарау буйынса пособиены ла, берҙәм пособиены ла алырға ярамай, тип белдерҙеләр Рәсәй Социаль фондының Башҡортостан бүлексәһендә.

Ведомствола билдәләүҙәренсә, республикала күп кенә ғаиләләргә берҙәм пособие түләнә. Уның күләме йәшәү минимумынан 50%, 75% йәки 100% тәшкил итә. Һандарҙа: 8 175 һум, 12 262,50 һум йәки 16 350 һум.

Әгәр һеҙгә берҙәм пособиеның максималь күләме (16 350 һум) хупланған икән, баланы йәш ярымға тиклем ҡарау буйынса түләүгә (12 270 һум) күсеүҙең файҙаһы юҡ. Һеҙ ай һайын яҡынса 4 мең һумды юғалтаһығыҙ. Шуға тәүҙә суммаларҙы сағыштырып, шунан һуң ғына ғариза яҙыу яҡшыраҡ. Ата-әсә 1,5 йәшкә тиклем түләүгә ғариза биргәс тә, берҙәм пособиены иҫәпләү туҡтатыла, тип иҫкәрттеләр Рәсәйҙең Социаль фондында.

https://www.bashinform.ru/news/economy/2026-04-13/v-bashkirii-obnovilis-summy-detskih-vyplat-dlya-nerabotayuschih-roditeley-4649810