Башҡортостанда 1 ғинуарҙан электричкаларҙа юл хаҡы арта

Башҡортостанда ҡала яны поездарында юл хаҡы 6-8% арта, тиелә республиканың Тарифтар буйынса дәүләт комитеты ҡарарында.

Кассала билет һатып алғанда тәүге 10 саҡрым өсөн хаҡ 29 һумдан 31 һумға тиклем арта, артабан һәр саҡрым өсөн 2,9 һумдан 3,1 һумғаса. «Ҡарлуғас»та һәм «Финист»а 34 һумдан 36 һумға тиклем һәм артабан шуға ярашлы.

«Рәсәй тимер юлдары пассажирҙарға» ҡушымтаһы аша – ғәҙәти электричкалар 25 һумдан 27 һумға тиклем һәм артабан шуға ярашлы. Хәҙерге составтарҙа иһә 28 һумдан 30 һумғаса.

Өфө агломерацияһында юл хаҡы 40 һумдан 45 һумға тиклем ҡиммәтләнә.

Дим – Иглин участкаһында билеттың билдәләнгән хаҡы – 35 һумдан 40 һумға ҡәҙәр.

Күрше төбәктәрҙең Башҡортостан аша үткән электричкаларында ла тарифтар шулай уҡ күтәрелә.

https://www.bashinform.ru/news/economy/2025-12-02/v-bashkirii-s-1-yanvarya-podorozhaet-proezd-v-elektrichkah-4489995