Башҡортостан бейек йорттар төҙөү буйынса өс лидер иҫәбенә инде

Быйыл Мәскәү агломерацияһынан ситтә урынлашҡан 16 ҡалала 30 ҡатлы һәм унан бейегерәк йорттар һалына башланы. Был турала Дом.рф-нан хәбәр иттеләр. «Дебютанттар» араһында — Владивосток (22 объект), Пермь (6) һәм Силәбе (3). Илдең 24 ҡалаһында үтә бейек йорттар төҙөлә.

Һуңғы биш йылда 30+ ҡатлы йорттар төҙөлә башлаған төбәктәр өс тапҡырға артҡан. 2021 йылдың башында Рәсәйҙең ете төбәгендә 56 бейек йорт төҙөлһә, бөгөн иһә 22 төбәктә 349 йорт.

Бындай объекттарҙың яртыһы Мәскәүҙә төҙөлә (172), шул уҡ ваҡытта 80 йорт 40 ҡаттан да юғарыраҡ. Икенсе урында — Свердловск өлкәһе (66), өсөнсөлә — Башҡортостан. Республикала 30 ҡаттан бейегерәк 23 йорт төҙөлгән һәм төҙөлә.

Хәбәр иткәнебеҙсә, Өфөлә ағымдағы йылда 35 күп фатирлы йорт һалына башланы һәм 16-һы файҙаланыуға тапшырылды: Башҡортостандың баш ҡалаһы өлөшләтә ҡатнашыу килешеүе буйынса торлаҡ төҙөлөшөн башлау буйынса Волга буйы федераль округында – беренсе, ә Рәсәйҙә 11-се урында тора. 

https://www.bashinform.ru/news/economy/2025-11-26/bashkiriya-voshla-v-troyku-liderov-po-stroitelstvu-zhilyh-vysotok-4482949