Башҡортостанда алдағы өс йылға төбәктең үҫеш прогнозы иғлан ителде
Башҡортостандың тулайым төбәк продукты 2028 йылда иҡтисадтың бөтә өлөштәрен иҫәпкә алып 3,6 триллион һум кимәлендә көтөлә. Өс йыл эсендә үҫеш яҡынса 12% тәшкил итәсәк.
Бөгөн Башҡортостан Дәүләт Йыйылышының пленар ултырышында республика хөкүмәте премьер-министрының беренсе урынбаҫары – иҡтисади үҫеш һәм инвестиция сәйәсәте министры Рөстәм Моратов төбәктең 2026 йылға һәм 2027-2028 йылдарҙың план осорона социаль-иҡтисади үҫеш прогнозы менән таныштырҙы.
Сәнәғәт производствоһы прогноз осоронда 15,8%, ауыл хужалығы продукцияһын етештереү – 9,6%, төҙөлөш эштәре күләме 11,2% артыр тип күҙаллана. 2028 йылға торлаҡты сафҡа индереүҙе 3,65 миллион квадрат метрға тиклем, төп капиталға инвестициялар күләмен 13% ашыуыраҡҡа арттырыу планлаштырыла, 2028 йылға йыллыҡ күрһәткестәр 1,1 триллион һумдан кәм булмаҫҡа тейеш.
2028 йылға уртаса айлыҡ эш хаҡы 98,4 мең һумға етәсәк. Дөйөм эшһеҙлек кимәле 2028 йылда 1,5% тиклем кәмейәсәк. Башҡортостандың тулайым төбәк продукты күләме 2026 йылда 3,154 триллион һум тәшкил итеүе ихтимал, был иһә 2025 йылда көтөлгәндән 3,9% күберәк.
Киләһе йылда сәнәғәт производствоһы индексы – 105%, үҙ көсө менән башҡарылған эштәр һәм хеҙмәттәр күләме 3,182 триллион һум булыр тип көтөлә.
Ауыл хужалығы производствоһы күләме – 327,169 миллиард һум, үткән йылға ҡарата үҫеш – 3%.
Төҙөлөш эштәре күләме 549,459 миллиард һумға етеүе көтөлә (2,8% күберәк). Барлыҡ финанслау сығанаҡтары иҫәбенә торлаҡ йорттарҙы файҙаланыуға тапшырыу – 3,35 миллион квадрат метр ( 3,1% күберәк).
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.