Республикала аҙыҡ-түлеккә һәм бензинға хаҡтар үҙгәрҙе

27 октябргә ҡарата мәғлүмәттәр буйынса, төбәктә тауыҡ ите, сөгөлдөр, ҡаймаҡ, шымартылған дөгө, һуған, балалар өсөн киптерелгән һөт ҡатышмалары, колбаса, балалар өсөн ит һәм емеш-еләк консервалары, макарон, тары ярмаһы, бойҙай икмәге, ҡара сәй, кишер, шәкәр, туңдырылған балыҡ, аҡ май һәм вермишель хаҡының аҙыраҡ төшөүе күҙәтелә. Бер аҙнала был аҙыҡ-түлектең хаҡы 0,01-1,35 процентҡа түбәнәйгән.

Ә яңы өҙөлгән ҡыяр һәм помидор, кәбеҫтә, алма, ҡарабойҙай ярмаһы, картуф, сыр, көнбағыш майы, банан, эремсек, маргарин, һөт, йомортҡа, сусҡа ите, һарыҡ ите, һыйыр ите, балалар өсөн йәшелсә консервалары, он, сосиска, сарделька, тоҙ һәм печенье ҡиммәтләнгән. Бер аҙнала 0,02 - 5,9 процентҡа артҡан.

Ошо уҡ ваҡытта дизель яғыулығы, АИ-92, АИ-95, АИ-98 һәм башҡа маркалы бензин 0,55-0,82 процентҡа ҡыйбатланған.

https://www.bashinform.ru/news/economy/2025-10-30/v-bashkirii-izmenilis-tseny-na-produkty-4447642