Башҡортостанда йәшәүселәрҙе ауылдарға интернет үткәреү өсөн тауыш бирергә саҡыралар

«Һанлы тигеҙһеҙлекте бөтөрөү 2.0» проекты сиктәрендә Башҡортостанда 100-ҙән алып 1000-гә тиклем кеше йәшәгән 1286 ҡасабала интернет үткәрергә мөмкин. Уларҙы тауыш биреү юлы менән һайлайҙар. Август аҙағында һәм сентябрҙә сираттағы этап була. Программа эшләй башлағандан Башҡортостан әүҙем тауыш биреү буйынса беренсе урынды биләне, тип иҫкә төшөрҙөләр республика дәүләт идаралығының һанлы үҫеш министрлығында.

Проект сиктәрендә 292 тораҡ пунктта 4G (LTE) база станциялары барлыҡҡа килгән. 2025 йылдың беренсе яртыһында 26 база станцияһы асылған, йыл аҙағына тағы ла 61 ҡасабала база станцияларын урынлаштырыу планлаштырыла. Улар 2023 һәм 2024 йылдарҙа тауыш биреүҙә һайлап алынған. Мәҫәлән, ошо көндәрҙә Саҡмағош һәм Салауат райондары ауылдарына интернет үткәрелгән.

Проект «Башинформсвязь» операторының үҙ иҫәбенә бойомға ашырыла.

https://www.bashinform.ru/news/economy/2025-08-06/zhiteley-bashkirii-priglashayut-progolosovat-za-provedenie-interneta-v-syola-4339889