Башҡортостан һәм Өфө яңылыҡтары
78.65
+0.24
92.68
-0.07
68.87
-0.24
23+ °C
Болотло
Бөтә яңылыҡтар
Иҡтисад
27 Июнь , 15:03

Башҡортостанда Белоруссияның Сауҙа йортон асыу мөмкинлеген ҡарайҙар

Башҡортостан хөкүмәте
Фото:Башҡортостан хөкүмәте

Башҡортостан менән Беларусь еңел сәнәғәт өлкәһендә хеҙмәттәшлекте үҫтерергә ниәтләй. Республикала Беларусь Сауҙа йортон асыу мөмкинлеге тикшерелә, ә октябрҙә Өфөнөң сауҙа үҙәктәренең береһендә «Да Дому» магазины асылыуы ихтимал (йорт һәм интерьер дизайны өсөн тауарҙар). Түбәнге Новгородта Рәсәй һәм Белоруссия төбәктәренең XII форумы барышында Башҡортостан хөкүмәте премьер-министрының беренсе урынбаҫары – иҡтисади үҫеш һәм инвестиция сәйәсәте министры Рөстәм Моратовтың «Беллегпром» концерны рәйесе урынбаҫары Наталья Мурашко менән осрашыуында ошо мәсьәләләр тикшерелде. Был хаҡта Башҡортостан хөкүмәтенең матбуғат хеҙмәте хәбәр итә.

Әлеге ваҡытта Башҡортостан менән Беларусь еңел сәнәғәт өлкәһендә уртаҡ проекттарҙы тормошҡа ашыра. Республикала белорус кейем-һалымы һәм аяҡ кейеме магазиндары эшләй. Бынан алдараҡ «Башинформ» Башҡортостан менән Белоруссияның сәнәғәт кооперацияһы һөҙөмтәләре тураһында яҙғайны.

https://www.bashinform.ru/news/economy/2025-06-27/v-bashkirii-rassmatrivayut-vozmozhnost-otkrytiya-torgovogo-doma-belarusi-4292842

Автор:Роман Якимчук
Читайте нас: