Өфөлә эшҡыуарлыҡ аҙналығы бара

Дүшәмбе, 26 майҙа, Өфөлә эшҡыуарлыҡ аҙналығы башланды. Ул «Һөҙөмтәле һәм конкурентлы иҡтисад» милли проектын тормошҡа ашырыу сиктәрендә үткәрелә. Саралар баш ҡалала ғына түгел, республика муниципалитеттарында ла планлаштырыла. 

Ойоштороусылар хәбәр итеүенсә, 27 майҙа «Киләсәк фабрикаһы»нда бизнестың креатив йүнәлештәре буйынса уҡыуҙар була.

Шул уҡ ваҡытта «Мәктәп эскәмйәһенән эшҡыуарлыҡҡа» проекты еңеүселәрен бүләкләү тантанаһы үткәрелә, ә Эшҡыуар ҡатын-ҡыҙҙар ассоциацияһы вәкилдәре үҙҙәренең уңыш тарихтары менән таныштыра.

Павел Качагиндың медиакиңлегендә перспективалы идеяларға ярҙам күрһәтеү менән ҡыҙыҡһынған инвесторҙар ҡатнашлығында сағыу һәм инновацион бизнес-проекттарҙы презентациялау буйынса стартап-студия ойошторола.

Эшҡыуарлыҡ аҙналығының тулы программаһы менән бында танышырға һәм теркәлергә мөмкин.

https://www.bashinform.ru/news/nacproject/2025-05-27/chto-proizoydyot-vo-vtoroy-den-nedeli-predprinimatelstva-v-ufe-4250924