Башҡортостанда «Мирная» һанлы подстанцияһы сафҡа индерелде
20 майҙа Өфөлә Рәсәй нефть-газ химияһы форумы һәм 33-сө «Газ. Нефть. Технологиялар – 2025» халыҡ-ара күргәҙмәһе барышында Рәсәйҙең энергетика министры Сергей Цивилев һәм Башҡортостан Башлығы Радий Хәбиров яңы производстволар асыуға старт бирҙе.
«Башнефть» компанияһы Краснокама районында «Мирная» һанлы подстанцияһын сафҡа индерҙе.
Подстанция 470-тән ашыу сығарыу скважинаһын һәм биш етештереү майҙансығын: нефть паркын, ҡатлам баҫымын һаҡлау һәм беренсел нефть таҙартыу буйынса объекттарҙы электр менән тәьмин итергә тейеш.
Бөтә процестар автоматик рәүештә бара. Был эксплуатация сығымдарын 40% проценттан ашыуға кәметергә мөмкинлек бирә. «Башнефть» компанияһының генераль директоры урынбаҫары Виктор Соловых һүҙҙәренсә, подстанцияны реконструкциялағанда Рәсәйҙә етештерелгән заманса материалдар һәм юғары технологиялы ҡорамалдар файҙаланылған.
«Мирная» подстанцияһын яңыртыу «Роснефть» компанияһының Башҡортостан биләмәһендә электр селтәрҙәренең һанлы районын булдырыу буйынса күләмле пилот проектына старт булып тора.
Благовещенда «Нефтехим тәжрибә заводы» йәмғиәтенең айырым бүлексәһендә нефть сығарыу һәм ташыу процестары өсөн коррозия ингибиторҙарын алыу ҡулайламаһы эшләй башланы. Бында нефть транспортын сығарыу өсөн реагенттар етештерелә. Инвестициялар күләме 1,2 миллиард һумға баһалана.
Шулай уҡ бөгөн Өфө районының Шмидт ауылында, Салауат районының Тирмән, Иҙрис, Юлай ауылдарында газ үткәреү программаһы сиктәрендә дүрт газ бүлеү торбаһы сафҡа индерелде.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.