Башҡортостан һәм Өфө яңылыҡтары
84.28
-0.11
92.99
-0.18
65.95
-4.19
8+ °C
Болотло
Бөтә яңылыҡтар
Иҡтисад
3 Апрель , 16:14

Башҡортостан Башлығы Благовещенда яңы етештереү майҙансығын баһаланы

Олег Яровиков
Фото:Олег Яровиков

Бөгөн Башҡортостан Башлығы Радий Хәбиров Благовещен районы буйлап эш сәфәре барышында «Аркстал» предприятиеһының яңы етештереү майҙансығында булды. Йылдам үҫеш биләмәһе резиденты төҙөлөш тармағы өсөн декоратив металл конструкциялар етештерә. Предприятие директоры Роман Куклин һүҙҙәренсә, әлеге көндә заводта 60 кеше эшләй, уртаса эш хаҡы – 70 мең һум, 80,5 миллион һум инвестицияланған.

«Аркстал» компанияһы инжиниринг хеҙмәттәренә, йәмәғәт урындары интерьерҙары өсөн проекттар эшләүгә махсуслашҡан «БашГрупп» төркөмөнә инә.

Предприятие продукцияһы Өфөнөң Көрәш һарайын, Фехтование үҙәген, вуз-ара студенттар кампусын, Екатеринбургта УГМК-Аренаны, Төмән һәм Минеральные Воды ҡалалары аэропорттарын, шулай уҡ торлаҡ комплекстарын төҙөгәндә ҡулланылған.

Былтыр предприятиеның килеме 195 миллион һум тәшкил иткән.

https://www.bashinform.ru/news/economy/2025-04-03/glava-bashkirii-otsenil-novuyu-proizvodstvennuyu-ploschadku-v-blagoveschenske-4183087

Автор:Азат Ғиззәтуллин
Читайте нас: