Төркиә компанияһы республикала күтәргес крандар сығара башлай

Төркиәнең Özfatihler компанияһы йыл аҙағына тиклем Башҡортостанда йөк күтәреү ҡорамалдарын, атап әйткәндә, крандар етештерә башларға ниәтләй. Улар республика предприятиеларында ҙур һорау менән файҙалана. Башҡортостанда инвесторҙың цех төҙөү буйынса башланғысы хуплап тапты. Проектты 2023 йылдың сентябрендә «Инвестиция сәғәте»ндә тикшерелде һәм уға өҫтөнлөклө статус бирелде. Был хаҡта Башҡортостан Башлығы Радий Хәбиров социаль селтәрҙәге сәхифәһендә яҙып сыҡты.

Төркиә инвесторы республикала производствоны үҫтерергә ниәтләй, тип билдәләне төбәк етәксеһе. Ул Өфө эргәһендә тулы ҡеүәтенә эшләгән завод төҙөргә йыйына.

«Башҡа илдәрҙең эшҡыуарҙары Башҡортостанды үҙ производствоһын урынлаштырыу майҙансығы итеп ҡарауы бик ҡыуаныслы. Төркиә Башҡортостандың тышҡы сауҙа әйләнешендә икенсе урынды биләй. Беҙҙе яҡшы партнерлыҡ мөнәсәбәттәре бәйләй, уларҙы нығытабыҙ», – тип яҙҙы Радий Хәбиров.

https://www.bashinform.ru/news/economy/2024-11-14/turetskaya-kompaniya-nachnet-vypuskat-pod-emnye-krany-v-bashkirii-4007526