Республика агросәнәғәт комплексы продукцияһы экспортын арттыра

Башҡортостан вице-премьеры — ауыл хужалығы министры вазифаһын башҡарыусы Илшат Фәзрахманов республика хөкүмәтенең оператив кәңәшмәһендә ошо турала белдерҙе.

— Санкцияларға ҡарамаҫтан, Башҡортостан үҙ продукцияһын донъяның 44 иленә оҙата. Әле традицион партнерҙар менән эш алып барыла, экспорт өсөн яңы баҙарҙар үҙләштерелә, — тип хәбәр итте Фәзрахманов.

2023 йылда республиканан тышҡы баҙарға яҡынса 328 миллион долларға 730 мең тоннанан ашыу ауыл хужалығы продукцияһы оҙатылған, был иһә уҙған йылғы кимәлдән 12% күберәк, тип өҫтәне ул.

Быйыл агросәнәғәт комплексы продукцияһы экспорты күрһәткесен 331,7 миллион долларға тиклем арттырыу күҙаллана.

— Ағымдағы йылдың 6 октябренә республика 460 мең тоннанан ашыу агросәнәғәт комплексы продукцияһын экспортҡа сығарған (220 миллион доллар). Шуның 67% ашыуы май тармағы продукцияһына тура килә, — тип билдәләне ауыл хужалығы ведомствоһы етәксеһе. — Бөгөн беҙҙең алда 2030 йылға экспортты 651,2 миллион долларға тиклем еткереү йәғни ике тапҡырға арттырыу маҡсаты тора.

https://www.bashinform.ru/news/economy/2024-10-21/bashkiriya-naraschivaet-eksport-produktsii-apk-3977041