Өфөлә «Ҡурай тотҡан малай» фонтаны янындағы майҙанда өҫтәмә яҡтыртҡыстар ҡуйылды

«Ҡурай тотҡан малай» фонтаны алдындағы майҙанда өҫтәмә яҡтыртҡыстар ҡуйылды. Уны 8 октябрь кисендә ҡабыҙҙылар. Был хаҡта социаль селтәрҙәге сәхифәһендә Өфө мэры Ратмир Мәүлиев хәбәр итте.

«Йондоҙло күк» урам гирляндаһының дөйөм оҙонлоғо – 210 метр. Бындай гирляндалар аллеяларҙы, парктарҙы, беседкаларҙы, майҙандарҙы яҡтыртыу өсөн ҡулланыла. Улар Ҡазанда, Мәскәүҙә һәм башҡа ҡалаларҙа йәйәүлеләр урамдарын биҙәй.

Хәтерегеҙгә төшөрәбеҙ, «Ҡурай тотҡан малай» скульптураһы һәм фонтан, уның янындағы майҙан, шулай уҡ Сәйетғәлиев бульвары Өфөнөң 450 йыллығы уңайынан юбилей объекттары исемлегендә ине. Скульптура композицияһы Октябрь проспектында, элекке «Искра» кинотеатры алдында тора. Ул 1974 йылда Мәскәү скульпторы Маргарита Соловьева-Ефимова проекты буйынса урынлаштырылған. Башҡортостан Башлығы Радий Хәбиров ошо көндәрҙә реконструкция эштәре барышы менән танышты.

https://www.bashinform.ru/news/economy/2024-10-08/v-ufe-na-ploschadi-pered-fontanom-malchik-s-kuraem-poyavilas-novaya-podsvetka-3960664