Республикала 670 мең тонна ашлыҡ йыйып алынған

Башҡортостан хөкүмәте премьер-министры урынбаҫары – ауыл хужалығы министры Илшат Фәзрахманов хөкүмәттең оператив кәңәшмәһендә ураҡ эштәре барышы хаҡында һөйләне.

Бөгөнгә 200 мең гектарҙан ашыу майҙанда уңыш йыйып алынған (10%), иген һәм ҡуҙаҡлы иген культуралары 250 мең гектарҙа сабылған (15%). Тулайым йыйым 670 мең тонна иген тәшкил иткән, уңыш – гектарынан 28 центнер, ужым культуралары –  гектарынан 30 центнерҙан ашыу.

Мал аҙығы культуралары майҙандарының 60% сабылған, сенаж буйынса план  – 93%, бесән 55% үтәлгән. Шәкәр сөгөлдөрөн ҡаҙыу башланған. 27 августа –  Раевка, 10 сентябрҙә иһә Шишмә шәкәр заводтары эшләй башлай. Уларҙың һәр береһе 1 миллион тоннанан ашыу шәкәр сөгөлдөрөн эшкәртә ала.

https://www.bashinform.ru/news/economy/2024-08-26/v-bashkirii-ubrano-670-tysyach-tonn-zerna-3898870