Башҡортостанда тупраҡ артыҡ дымланыуы сәбәпле ғәҙәттән тыш хәл индерелеүе ихтимал
Был аҙнала Башҡортостанда тупраҡтың артыҡ дымланыуы сәбәпле ғәҙәттән тыш хәл индереү планлаштырыла, тип хәбәр иттеләр ЦУР-ҙа үткән хөкүмәттең оператив кәңәшмәһендә.
— Йөк машиналары баҫыуға инә алмай. Күп урынды һыу баҫҡан, — тип белдерҙе БР хөкүмәте премьер-министры урынбаҫары — Башҡортостандың ауыл хужалығы министры Илшат Фәзрахманов. — Хәҙер документтарҙы әҙерләйбеҙ. Был аҙнала беҙ ғәҙәттән тыш хәл режимын индереү тураһында документтар бирәсәкбеҙ.
Ауыл хужалығы ведомствоһы етәксеһе аңлатыуынса, Башҡортостанда ғәҙәттән тыш хәл режимын индереү тураһындағы ҡарар льготалы кредиттарҙы оҙайтыу, льготалы лизинг һәм страховка компаниялары менән эшләү өсөн кәрәк.
– Әлегә хәлде киҫкенләштермәйбеҙ. Ғәҙәттән тыш хәл иғлан итәбеҙ, әммә барыһы ла яҡшы булыр тип ышанабыҙ, — тине кәңәшмәлә Башҡортостан Башлығы Радий Хәбиров.
«Башинформ» агентлығы 7 августа хәбәр итеүенсә, Башҡортостандың ауыл хужалығы министрлығы райондарға малға аҙыҡ әҙерләүҙә проблемалар кисергән шәхси хужалыҡтар һанын асыҡлау буйынса мөрәжәғәт ебәргән. Артабан компенсация сығанаҡтарын һәм күләмдәрен билдәләү өсөн исемлектәр төбәк финанс министрлығына ебәреләсәк.
Бынан тыш, ауыл хужалығы министрлығы сәсеүлектәре зыян күргән хужалыҡтар һаны тураһында мәғлүмәттәр йыя һәм зыян күргән баҫыуҙарҙың майҙанын билдәләй.
– Артабан был мәғлүмәттәр ғәҙәттән тыш хәл режимы индереү өсөн файҙаланыласаҡ. Был фермерҙарға, әгәр улар субсидия алған булһа, программа маҡсаттарын үтәмәү арҡаһында штрафтарҙан ҡотолорға ярҙам итәсәк, – тип аңлаттылар Башҡортостандың ауыл хужалығы министрлығында.
Автор: Галина Бахшиева
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.