«Дуҫ булмаған илдәр йәнә Башҡортостан менән эшләргә теләй» – Маргарита Болычева

Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева «Честно говоря» программаһында Көнбайыш илдәренең республика һәм тотош Рәсәй менән хеҙмәттәшлекте дауам итергә теләүе хаҡында белдерҙе.

– Бөгөн беҙгә дуҫ булмаған илдәрҙән бик күп үтенестәр килә. Урынлы һорау: беҙгә был кәрәкме? Дөрөҫ, бөгөн беҙгә был кәрәкмәй, сөнки башҡа партнерҙар бар, улар менән сауҙа мөнәсәбәттәрен төҙөү мөһимерәк һәм ҡыҙыҡлыраҡ. Мәҫәлән, Ҡытайҙағы партнерҙарыбыҙ теләһә ниндәй үтенескә йәшен тиҙлегендә һәм бер бюрократияһыҙ яуап бирә. Беҙҙең ниндәй генә осрашыу булһа ла, һәр саҡ һөҙөмтәле үтә. Әлбиттә, һәр нәмәнең үҙәгендә яҡшы продукт ята, — тине Маргарита Болычева.

Министр билдәләүенсә, бөгөн республикала экспортерҙарға ярҙам итеү буйынса һөҙөмтәле ярҙам саралары булдырған.

– Беҙ башҡа төбәктәр менән тәжрибә уртаҡлашабыҙ, аҡсалата һәм логистика менән ярҙам итәбеҙ, эшҡыуарҙарҙы иҡтисадтың төрлө өлкәләрендә дөрөҫ экспортларға өйрәтәбеҙ. Был – беҙҙең һөҙөмтә, – тип һыҙыҡ өҫтөнә алды ведомство Маргарита Болычева.

Быға тиклем Башҡортостандың сит илгә орлоҡ оҙатыу күләмен 4 тапҡырға арттырыуы билдәле булды.

Автор: Иван Вавилов

https://www.bashinform.ru/news/politics/2024-08-05/nedruzhestvennye-strany-vnov-hotyat-rabotat-s-bashkiriey-margarita-bolycheva-3873383