Башҡортостан аграрийҙарына яҡшы һауа шарттарын көтмәҫкә кәңәш иттеләр

Республика аграрийҙары өсөн яҡшы һауа торошо август уртаһына тиклем көтөлмәйәсәге хаҡында белдерҙеләр. Ураҡ өсөн һәр мөмкинлекте файҙаланырға һәм бар киптереү ҡеүәтен файҙаланырға кәрәк, тине Башҡортостан премьер-министры урынбаҫары — ауыл хужалығы министры Илшат Фәзрахманов хөкүмәттең оператив кәңәшмәһендә.

Башҡортостан аграрийҙарына быйыл 2,2 миллион гектарҙа уңыш йыйып алырға йыйына. Шуларҙың 1,3 миллион гектары яҙғы иген һәм ҡуҙаҡлы культураларға тура килә, 380 мең га — ҡышҡы культуралар; 58 мең гектарҙа – шәкәр сөгөлдөрө, 493 мең гектарҙа майлы культуралар үҫә.

Әлеге ваҡытта республиканың 27 районында иген культураларын урып-йыйыу башланған.

– Бөгөн ни бары 53 мең гектарҙан уңыш йыйып алынған, – тип һыҙыҡ өҫтөнә алды Илшат Фәзрахманов. — 177 мең тоннанан ашыу иген һуғылған, гектарынан уртаса 33 центнер уңыш алынған. Майлы культураларҙан әлегә ужым арышы ғына йыйып алынған.

Бынан алда «Башинформ» хәбәр иткәнсә, Башҡортостанда тупраҡтың артыҡ дымланыуы сәбәпле, ғәҙәттән тыш режим индерелеүе ихтимал.

Автор: Галина Бахшиева

https://www.bashinform.ru/news/economy/2024-08-05/agrariyam-bashkirii-sovetuyut-ne-zhdat-horoshey-pogody-dlya-uborki-urozhaya-3873258