Башҡортостан һәм Өфө яңылыҡтары
77.89
0
91.12
0
70.69
+2.05
20+ °C
Ясна
Бөтә яңылыҡтар
Иҡтисад
18 Июль 2024, 17:40

Июндә Башҡортостанда ипотека биреүҙең рекордлы күрһәткесе теркәлгән

Республика ипотека кредитлауы күләме буйынса тәүге биш төбәк иҫәбенә инде.

1 июлдә льготалы ипотека программаһы тамамланыр алдынан Башҡортостанда йәшәүселәр дәүләт ярҙамынан файҙаланып ҡалырға тырышты, тиелә Берләшкән кредит бюроһы мәғлүмәттәрендә. Июнь йомғаҡтары буйынса Башҡортостан ипотека кредитлауының максималь күләме буйынса тәүге 5 төбәк иҫәбенә инде. Унан алдараҡ — Мәскәү, Мәскәү өлкәһе һәм Санкт-Петербург, бишенсе урында — күрше Татарстан.

Июндә республикабыҙ халҡы 30,79 миллиард һумға 7,09 мең ипотека килешеүе төҙөгән. Ипотека займының уртаса чегы 4,35 миллион һум булһа, ә түләүҙең уртаса ваҡыты — 25 йыл һәм 5 ай.

Был иһә май айы менән сағыштырғанда ла ҙур үҫеш, ул саҡта республикала 20,9 миллиард һумға 5,18 мең ипотека бирелгән. Уртаса чек — 4,04 миллион һум, уртаса ваҡыты — 24 йыл да 6 ай.

Быйыл икенсе кварталда  торлаҡ һатып алыу өсөн кредиттың тулы хаҡы (процент ставкаһы плюс страховка һәм башҡа хеҙмәттәр) 8,83 — 10,07% тирәһе.

Хәҙер ипотека ставкаһы —  20%, ә һатып алыусылар икенсел баҙарға иғтибарын йүнәлтә.  

https://www.bashinform.ru/news/economy/2024-07-18/v-bashkirii-v-iyune-zafiksirovana-rekordnaya-vydacha-ipotek-3853378

Автор:Элина Әхмәтова
Читайте нас: