Башҡортостан Рәсәйҙең сәнәғәт сәйәсәтен тормошҡа ашырыу һөҙөмтәлелеге рейтингында беренсе урынды алды
Бөгөн, 9 июлдә, Екатеринбургта «Иннопром» күргәҙмәһендә 2023 йыл йомғаҡтары буйынса Рәсәйҙә сәнәғәт сәйәсәтен бойомға ашырыу һөҙөмтәлелеге рейтингы йомғаҡтары иғлан ителде. Башҡортостан өсөнсө тапҡыр беренсе урынды алды.
Хәтерегеҙгә төшөрәбеҙ, Рәсәйҙең Сәнәғәт һәм сауҙа министрлығы 2020 йылдан алып Рәсәй Федерацияһы субъекттары башҡарма власть органдарының сәнәғәт өлкәһендәге эшмәкәрлеге һөҙөмтәлелеген баһалай.
2020-2021 йылдар йомғаҡтары буйынса Башҡортостан беренсе урынды алды, 2022 йылда иһә өсөнсөлә ине. Хәҙер республика сәнәғәт сәйәсәтен тормошҡа ашырыу һөҙөмтәлелеге рейтингында йәнә беренсе баҫҡыста.
Рейтингта икенсе урынды Мәскәү һәм Мәскәү өлкәһе бүлеште, өсөнсө урында – Краснодар крайы. Тәүге унау иҫәбендә шулай уҡ Санкт-Петербург, Ростов өлкәһе, Татарстан, Силәбе, Түбәнге Новгород, Омск, Свердловск һәм Рязань өлкәләре бар.
Рейтинг биш блоктың 42 күрһәткесен баһалау нигеҙендә төҙөлгән.
«Һуңғы йылдарҙа республикала алып барылған системалы эш үҙ емештәрен бирә. Санкция баҫымына һәм ҡатмарлы иҡтисади шарттарға ҡарамаҫтан, беҙҙең сәнәғәт тотороҡло үҫешә. Уҙған йыл йомғаҡтары буйынса сәнәғәт етештереүе үҫеше – 6,5%, быйыл тәүге биш айҙа 7,4% процент тәшкил иткән. Беҙ Рәсәйҙең Сәнәғәт һәм сауҙа министрлығы, Сәнәғәтте үҫтереү фонды менән әүҙем эшләйбеҙ. Тармаҡ кластерҙарын үҫтерәбеҙ, индустриаль һәм сәнәғәт парктары асабыҙ. Импортты алмаштырыу мәсьәләләре менән шөғөлләнәбеҙ. Инновацион проекттарға ярҙам итәбеҙ. Предприятиелар менән һөҙөмтәле тура бәйләнеш булдырабыҙ. Квалификациялы кадрҙар әҙерләүгә ҙур иғтибар бүләбеҙ», – тип билдәләне Башҡортостан Башлығы Радий Хәбиров.
Республикабыҙ ғәмәлдәге сәнәғәт кластерҙары (улар беҙҙә 13), индустриаль парктар һәм технопарктар һаны буйынса алдынғы урында. Башҡортостанда бөтәһе 12 индустриаль парк һәм 19 технопарк бар.
Күпселек төбәктәр өсөн кеүек үк, республика өсөн дә производстволарҙы кадрҙар менән тәьмин итеү мәсьәләһе мөһим. Бөгөн конструкторҙарға, технологтарға һәм айтишниктарға ихтыяж ҙур.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.