Бишбүләк районында пиломатериалдарҙың төрлө төрҙәрен етештереү комплексы төҙөлә. Был хаҡта Башҡортостан хөкүмәтендә белдерҙеләр.
Предприятие ойоштороу башланғысын тәҡдим иткән «Бижбулякводоканалсервис» проекты Башҡортостан Башлығы Радий Хәбировта «Инвестиция сәғәте» йомғаҡтары буйынса республиканың өҫтөнлөклө инвестиция проекттары исемлегенә индерелде.
Объект 0,8 гектар майҙанды биләй. Әҙер продукцияның күләме йылына 250 кубометр тәшкил итер тип көтөлә. Комплексты 2026 йылда файҙаланыуға тапшырыу планлаштырыла.
Бынан алдараҡ «Башинформ» ағас һуты һәм йыйылма йорттар етештерергә йыйынған инвестор хаҡында яҙғайны.