Башҡортостан һәм Өфө яңылыҡтары
88.02
0
96.04
0
82.49
-0.14
21+ °C
Болотло
Бөтә яңылыҡтар
Иҡтисад
4 Июль , 12:32

Башҡортостан Башлығы яратҡан шөғөлөн бизнесҡа әүерелдергән эшҡыуар ханым хаҡында һөйләне

Радий Хәбировтың социаль селтәрҙәре
Фото:Радий Хәбировтың социаль селтәрҙәре

Башҡортостан Башлығы Радий Хәбиров социаль селтәрҙә Илеш районының Рсай ауылынан эшҡыуар Ризидә Ноғоманова менән таныштырҙы. Ул районда крафт сырын етештерә, «Башҡортостан аҙыҡ-түлеге» проекты дипломанты. Әйткәндәй, Ризидә ханым 2022 йылда пенсияға сыҡҡансы география уҡытыусыһы булып эшләгән, һуңынан сыр ҡайнатыу эшенә тотонған. Ғаиләһе һәм килгән ҡунаҡтары уның сырҙарын бик яратып ашаған, шул рәүешле уның шөғөлә бизнесҡа әүерелгән.

«Ризидә Ноғоманова дәүләт ярҙамы менән цех асҡан һәм яңы ҡорамалдар һатып алған. Райондың «Эшҡыуарлыҡ сәғәте»ндә үҙенең проектын тәҡдим иткән, ҡорамалдарға сығымдың бер өлөшөн ҡаплау өсөн субсидия алған. Хәҙер яҡташыбыҙҙың предприятиеһы уңышлы үҫешә. Эшҡыуарлыҡ – йәштәр өсөн генә тип уйлағандар өсөн бына шундай шәп миҫал. Үҙ эшеңде башлау бер ҡасан да һуң түгел. Республикала ярҙам саралары күп», – тип яҙа Радий Хәбиров.

Хәтерегеҙгә төшөрәбеҙ, «Башинформ» республикала бизнесҡа ярҙам күрһәтеү юлдары хаҡында яҙып сыҡҡайны.

https://www.bashinform.ru/news/economy/2024-07-04/glava-bashkirii-rasskazal-o-predprinimatelnitse-prevrativshey-hobbi-v-biznes-3834988

Автор:Роман Якимчук
Читайте нас: