Башҡортостандың иҡтисади яҡтан әүҙем халыҡ һаны билдәле булды

Башстаттың һайлап тикшереү мәғлүмәттәре буйынса, 2024 йылдың ғинуар-мартында 15 йәшлек һәм унан өлкәнерәк эшсе көстәр һаны 1,885 миллион самаһы кеше тәшкил иткән.

Уларҙың 1,843 миллионға яҡыны, йәғни эшсе көстәрҙең 97,8% иҡтисади эшмәкәрлек менән мәшғүл тип иҫәпләнгән. Ҡалған 41,8 мең кеше (2,2%) - Халыҡ-ара хеҙмәт ойошмаһы критерийҙарына тап килгән эшһеҙҙәр. Йәғни эше йәки килемле шөғөлө булмаған, эш эҙләгән һәм тикшереү барған аҙнала уға тотонорға әҙер булғандар.

Башинформ хәбәр иткәнсә, 2024 йылдың беренсе кварталында республикала уртаса айлыҡ хеҙмәт хаҡы 61 317 һумға яҡын тәшкил иткән. Был иһә уҙған йылдың ғинуар-март айҙарына ҡарағанда 20 процентҡа күберәк.

https://www.bashinform.ru/news/economy/2024-06-14/nazvana-chislennost-ekonomicheski-aktivnogo-naseleniya-bashkirii-3809732