Өфөлә муниципаль учреждение хеҙмәткәрҙәренең оклады арттырылды. Бындай ҡарарға ҡала мэры Ратмир Мәүлиев ҡул ҡуйған.
Хеҙмәткәрҙәрҙең минималь окладын билдәләү өсөн база берәмегенең күләме 1,185 тапҡырға арта. Эш хаҡын арттырыуға бәйле сығымдар ҡала округы бюджеты, башҡа килем килтергән эшмәкәрлек иҫәбенә финанслана.
Бынан алдараҡ «Башинформ» республикала уртаса хеҙмәт хаҡы тураһында хәбәр иткәйне.