Башҡортостан һәм Өфө яңылыҡтары
93.44
0
99.58
0
87.29
+0.18
26+ °C
Болотло
Бөтә яңылыҡтар
Иҡтисад
21 Март , 17:24

Өфөлә Көнсығыш сығыу юлы асылды

Олег Яровиков
Фото:Олег Яровиков

Бөгөн, 21 мартта, Өфөнән М-5 «Урал» федераль трассаһына күптән көтөп алынған «Көнсығыш сығыу юлы»н асыу тантанаһы уҙҙы. Көнсығыш сығыу юлы — республиканың иң ҙур инфраструктура проекттарының береһе, уның ярҙамында Өфөнән М-5 «Урал» трассаһына 10 минут эсендә барып етергә мөмкин. Сара башланыр алдынан «Башҡортостан концессия компанияһы»ның генераль директоры Асабали Закавов Башҡортостан Башлығы Радий Хәбировҡа объектты асыуға әҙер булыуҙарын әйтте.

Көнсығыш сығыу юлы 1,2 саҡрым оҙонлоҡтағы автомобиль тоннеленән, Ҡариҙел аша 2,7 саҡрым оҙонлоҡтағы эстакадалы күперҙән һәм 10 километрлыҡ автомобиль юлынан тора. Дөйөм оҙонлоғо – 13,9 саҡрым.

«Республикабыҙ, баш ҡалабыҙ, барыбыҙ өсөн дә бөгөн - үҙенсәлекле көн, тип ныҡлы ышаныс менән әйтергә мөмкин. Тотош республика менән төҙөгән иң оҙайлы объекттарҙың береһен сафҡа индерәбеҙ.

Бөгөн ошо ваҡиғала ҡатнашыусыларҙың барыһына ла рәхмәт белдерәм. Тәү сиратта алыҫ 90-сы йылдарҙа әлеге объектты төҙөй башларға ҡарар иткән етәкселәргә, инженерҙарға, төҙөүселәргә ҙур рәхмәт!

Мин барлыҡ партнерҙарыбыҙға ла рәхмәт әйтәм. Республикабыҙ партнерҙарына һәм идара итеү командаһына, беҙҙең концессионерға – «ЛиМак» компанияһына, ВТБ банкына. Шулай уҡ Президентыбыҙға рәхмәт белдерәбеҙ. Уның ҡарарынан башҡа ошондай ҡеүәтле федераль грант һәм федераль финанслау булмаҫ ине.

Әлбиттә, төҙөүселәргә, инженер һәм техник персоналға, барлыҡ хеҙмәткәрҙәргә рәхмәт.

Бөгөн беҙ М-5-кә сығыу юлын асабыҙ. Әммә был объектты тамамлау өсөн уны М-7 менән тоташтырырға кәрәк.

Республикабыҙ халҡын һәм өфөләрҙе ҡотлайым. Хәйерле юл!» - тине Радий Хәбиров асыу тантанаһында һәм республиканың дәүләт наградаларын тапшырҙы.

Рәсәй хөкүмәте рәйесе урынбаҫары Марат Хөснуллин «Көнсығыш сығыу юлын» асырға һәм транспорт хәрәкәтен башларға рөхсәт бирҙе.

1 апрелдән төндә юл йөрөү хаҡы еңел автомобилдәрҙән – 20 һум, ә иртәнге сәғәт 6-нан 100 һум тора. Йәмәғәт транспорты, махсус хеҙмәттәр, почта машиналары, мәктәп автобустары Көнсығыш сығыу юлынан бушлай йөрөй.

https://www.bashinform.ru/news/economy/2024-03-21/v-ufe-otkryli-vostochnyy-vyezd-iz-goroda-na-federalnuyu-trassu-m-5-ural-3695165

Автор:Азат Ғиззәтуллин
Читайте нас: