Бөгөн хөкүмәттең оператив кәңәшмәһендә Башҡортостан Башлығы Өфөнән «Көнсығыш сығыу юлы»ның 1 апрелгә асылырға тейешлеген хәбәр итте. Республика етәксеһе аныҡ датаны билдәләгәндән һуң киң мәғлүмәт кампанияһын үткәрергә ҡушты.
«Әлегә көнөн теүәл генә әйтмәйем, ләкин ошо аҙнаның һуңына, йәки, әйтәйек, 1 апрелгә тиклем күптән көтөп алынған объектты — Көнсығыш сығыу юлын асырбыҙ», — тип билдәләне Радий Хәбиров.