Башҡортостанда биш йылда инвестициялар күләме 2,3 триллион һум тәшкил иткән

2023 йылда Башҡортостанда инвестициялар күләме 620 миллиард һумдан ашҡан. Был хаҡта бөгөн аҙналыҡ оператив кәңәшмәлә Радий Хәбиров белдерҙе. 2018 йылда ошо һан 267,9 миллиард һум тәшкил иткән.

«2023 йылда үҫеш 2022 йыл менән сағыштырғанда 7,6 процент. Ғөмүмән, Башҡортостан биш йыл эсендә инвестицияларҙы бер ярым тапҡырға арттырҙы. Инвестициялар йәлеп итеү йәһәтенән тырышлығыбыҙ шундай һәйбәт һөҙөмтә бирә. Башҡортостанда биш йыл эсендә инвестициялар күләме  2,3 триллион һум тәшкил итте. 2023 йылда инвестициялар 100 миллиард һумға артты. Был дөйөм команда эше, беҙ инвесторҙарҙы йәлеп итеү өсөн яҡшы инвестиция мөхитен булдырҙыҡ. Инвестицияларҙы үҫтереү өсөн потенциал бар», - тине Радий Хәбиров.

https://www.bashinform.ru/news/economy/2024-03-18/v-bashkirii-za-pyat-let-ob-em-investitsiy-sostavil-summu-v-2-3-trln-rubley-3690011