Башҡортостан һәм Өфө яңылыҡтары
93.44
0
99.58
0
87.29
+0.18
26+ °C
Болотло
Бөтә яңылыҡтар
Иҡтисад
14 Март , 15:26

Башҡортостан Башлығы Өфөлә радиоэлектрон технопарк төҙөлөшөнә старт бирҙе

Башҡортостан Башлығының матбуғат хеҙмәте
Фото:Башҡортостан Башлығының матбуғат хеҙмәте

14 мартта Өфөлә Башҡортостан Башлығы Радий Хәбиров «РВ-1 радиоэлектрон технопаркы» технопаркы төҙөлөшөнә старт бирҙе.

Унда юғары технологиялы һәм инновацион продукция: пилотһыҙ осоу аппараттары (БПЛА) һәм уларҙың комплекттары, баҫма электроника: сенсорҙар, платалар, датчиктар сығарыла башлай. Проектҡа инвестициялар күләме – 1,2 миллиард һум, шуның 504 миллионын федераль ҡаҙнанан субсидия ҡаплай.

Электрон сәнәғәт өлкәһендәге технопарк ҡаланың Киров районында 30 мең квадрат метрлыҡ участкала төҙөлә, потенциаль резиденттар булып Өфө, Минск һәм Санкт-Петербург компаниялары сығыш яһай, улар менән тейешле килешеүҙәр төҙөлгән дә инде. 2030 йылға республика властары технопаркта 370 эш урыны булдырылыр тип көтә, ә радиоэлектрон сәнәғәт продукцияһын тулайым сығарыу 3,6 миллиард һумдан ашып китәсәк.

Яңы технопарктың идара итеү компанияһының генераль директоры Рөстәм Дәүләтов һөйләүенсә, төп резиденттар – элемтә системалары етештереүгә махсуслашҡан «Астраком» компанияһы,  «Башҡортостан Республикаһының мәғлүмәт-коммуникация технологиялары үҙәге» предприятиеһы.  

«Пилотһыҙ авиацияның киләсәк икәнен яҡшы аңлайбыҙ. Бөгөн беҙ сәнәғәт үҫешенең яңы битен асабыҙ. Сентябрҙә үк бында ике етештереү бинаһы торорға тейеш», - тип билдәләне Радий Хәбиров.

https://www.bashinform.ru/news/economy/2024-03-14/glava-bashkirii-dal-start-stroitelstvu-v-ufe-radioelektronnogo-tehnoparka-3680892

Автор:Азат Ғиззәтуллин
Читайте нас: