Башҡортостандың тағы 100 йәш ауыл хужалығы белгесенә дәүләт ярҙамы күрһәтелә

Башҡортостанда  агросәнәғәт комплексының кадрҙар потенциалына ярҙам итеү буйынса республика программаһы сиктәрендә дәүләт ярҙамын алыусыларҙы һайлап алыу тамамланды. 2024 йылғы һайлап алыу республиканың Ауыл хужалығы министрлығында уҙҙы, унда 182 йәш ауыл хужалығы белгесе ҡатнашты, тиҙҙән уларҙың 100-өнә төбәк ҡаҙнаһынан аҡса түәлән.

– Алдағы йылдарҙа иҡтисадта белгестәргә һәм хеҙмәткәрҙәргә ҡытлыҡ артыуына әҙерләнәбеҙ. Шуға күрә агросәнәғәт комплексы кадрҙары менән системалы эште дауам итәбеҙ, һөнәри йүнәлеште мәктәп эскәмйәһенән үк башлайбыҙ, – тине Башҡортостан Хөкүмәте премьер-министры урынбаҫары – ауыл хужалығы министры Илшат Фәзрахманов. – Кадрҙар потенциалына ярҙам итеү республика программаһы был маҡсатҡа өлгәшеү өсөн мөһим инструмент булып тора.

Һайлап алыу турын үткәндәрҙең барыһы ла республиканың агрокомплекс предприятиеларында белгес булып эшләй. Яҡын арала уларға төбәк бюджетынан 750-шәр мең һум аҡса күсерелергә тейеш.

Дәүләт ярҙамының дөйөм суммаһы 86 миллион һум тәшкил иткән (НДФЛ менән бергә).

https://www.bashinform.ru/news/economy/2024-02-28/eschyo-100-molodyh-spetsialistov-agrariev-bashkirii-poluchat-gospodderzhku-3661662