Өфөнөң тарихи үҙәгендә быйыл түләүле парковкалар барлыҡҡа килә. Был хаҡта 21 февралдә бишенсе саҡырылыш ҡала советының сираттағы 35-се ултырышында Өфө хакимиәте башлығы Ратмир Мәүлиев хәбәр итте.
«3,5 меңдән ашыу парковка урыны эшләргә уйлайбыҙ, был ҡала урамдарын бушатырға мөмкинлек бирә», — тип хәбәр итте ул.
Бынан алдараҡ «Башинформ» Өфөнөң Цюрупа урамындағы тротуарҙы төҙөкләндереү тураһында хәбәр иткәйне.