Дәүләт һатып алыуҙары ваҡытында Рәсәй етештереүселәренең өҫтөнлөктәре ҡануни яҡтан нығытыла

Дәүләт Думаһында президент ҡушыуы буйынса әҙерләнгән закон проекты ҡарала, уға ярашлы илебеҙ етештереүселәре дәүләт һатып алыуҙары ваҡытында өҫтөнлөккә эйә булырға мөмкин. Был илебеҙ производствоһын үҫтереү өсөн уңайлы шарттар булдырасаҡ һәм Рәсәй тауарҙарының конкурентлыҡҡа һәләтлелеген күтәрергә мөмкинлек бирәсәк. Дәүләт Думаһы рәйесе Вячеслав Володин был турала үҙенең телеграм-каналында яҙған.

Уның һүҙҙәренсә, илебеҙ етештереүселәре өсөн ярҙам саралары ҡаралған. Атап әйткәндә, дәүләт һатып алыуҙарында сит ил һәм Рәсәй тәьминәтселәре ҡатнашҡан осраҡта үҙебеҙҙекенә өҫтөнлөк бирелә. Закон проектын хөкүмәт, эшлекле берләшмә менән төрлө яҡлап тикшереү планлаштырыла. Был ҡарар ағымдағы сессия аҙағына тиклем ҡабул ителергә тейеш.

https://www.bashinform.ru/news/sport/2024-02-15/v-ufe-polnostyu-zavershyon-1-etap-stroitelstva-sooruzheniy-dlya-grebnogo-slaloma-3644717