Тиҙҙән Өфөнән Көнсығыш сығыу юлында хәрәкәт асыла

Өфөнән М-5 «Урал» федераль әһәмиәттәге автомобиль юлына яңы сығыу юлы төҙөлөшөнөң техник әҙерлеге — 94 процент. Башҡортостандың транспорт һәм юл хужалығы министры Александр Клебанов күләмле төҙөлөш урынын ҡарағандан һуң үҙенең телеграм-каналында ошо турала хәбәр итте.

Әлеге көндә объектта 1400 кеше эшләй, 195 берәмек махсус техника һәм ҡорамал йәлеп ителгән.

«Тиҙҙән хәрәкәтте асырға уйлайбыҙ», — тине Александр Клебанов.

Көнсығыш сығыу юлы — 2017 йылда Башҡортостан Хөкүмәте (концедент) һәм «Башҡортостан концессия компанияһы» яуаплылығы сикләнгән йәмғиәте (концессионер, «ВТБ Инфраструктура холдингы»на инә) араһында төҙөлгән концессия килешеүе сиктәрендә тормошҡа ашырылған Башҡортостан һәм Волга буйы федераль округының мөһим инфраструктура проекты.

Төҙөлөш-монтаж эштәренең хаҡы яҡынса 40,3 миллиард һум тәшкил итә. Шуның 4,5 миллиард һумын республика бүлә, 26,7 миллиарды — федераль, 9,1 миллиард һумдан ашыуы — концессионер аҡсаһы.

https://www.bashinform.ru/news/economy/2024-02-06/v-blizhayshee-vremya-budet-zapuscheno-dvizhenie-po-vostochnomu-vyezdu-iz-ufy-3632507