2023 йылда Башҡортостандан иген экспорты 2,3 тапҡырға артҡан

2023 йылда Башҡортостандың агросәнәғәт комплексы иген һәм уны эшкәртеүҙән алынған продукттар экспортын ике тапҡырҙан ашыуға арттырған. Яҡын һәм алыҫ сит илдәргә поставкалар күләме 130% тиерлек артып, 471,78 мең тоннаға еткән. 2022 йылда Башҡортостан агрокомпаниялары сит илгә 205,6 мең тонна иген оҙатҡан.

Хәҙер Башҡортостан ашлығын һатып алыусылар иҫәбенә Азербайжан, Бельгия, Беларусь Республикаһы, Германия, Грузия, Дания, Ҡаҙағстан һәм Үзбәкстандан тыш, Афғанстан, Ҡырғыҙстан, Ҡытай, Латвия, Нидерланд, Польша, Төркмәнстан, Төркиә һәм башҡалар өҫтәлгән.

Һанап үтелгән илдәргә 121,21 мең тоннанан ашыу бойҙай, 79,42 мең тонна арпа, 51,6 мең тонна етен, 6,84 мең тонна борсаҡ, 8,7 мең тонна арыш, 0,95 мең тонна көнбағыш, 0,59 мең тонна гәрсис, 0,98 мең тонна һоло, 1,9 мең тонна сафлор оҙатылған.

Экспортланған ҡуҙаҡлы иген һәм мал аҙығы культуралары исемлегендә ноҡот борсағы, ҡарабойҙай, шипкән, кәрешкә һәм башҡа үҫемлектәр бар.

Шулай уҡ былтыр республика сит илгә 17 мең тоннанан ашыу ярма, он һәм көрпә һатҡан.

Әйткәндәй, ошо көндәрҙә Әлшәйҙең «СН Агро» компанияһы Ҡытайға 2,3 мең тонна арпа оҙатҡан, тип хәбәр иттеләр ведомствонан.

https://www.bashinform.ru/news/economy/2024-01-18/eksport-zerna-iz-bashkirii-v-2023-godu-vyros-v-2-3-raza-3608135