Өфөнөң төп майҙандарында яңы йыл ҡаласыҡтарының үҙенсәлектәре билдәле булды

Өфөлә конгресс-холл һәм ҡала советы алдындағы майҙанда яңы йыл ҡаласыҡтарын төҙөү һәм биҙәү өсөн контракт төҙөлдө. Эштәрҙең хаҡы — 41,5 миллион һум.

Ҡаласыҡтар 22 декабргә тиклем әҙер булырға тейеш, ғинуар аҙағына тиклем уларҙы тәртиптә тотоу ҙа подрядсының бурысы. Ҡаласыҡтарҙы 8 февралгә тиклем һүтеү планлаштырыла.

Конгресс-холл янындағы 4,9 мең квадрат метр майҙанда 32 метрлыҡ пикселле шыршы, 12 метрлыҡ ҡар тауы, утлы һындар, гирляндалар ҡуйыла. Ә ҡала советы алдындағы 7,1 мең квадрат метрлыҡ биләмәне 32 метрлыҡ пикселле шыршы, ҡар тауы, боҙҙан яһалған Ҡыш бабай һәм Ҡарһылыу, аждаһа һындары, «Аждаһа лабиринты» биҙәй.

https://www.bashinform.ru/news/economy/2023-11-22/v-ufe-stali-izvestny-osobennosti-novogodnih-gorodkov-na-glavnyh-ploschadyah-3532964