Башҡортостанда Башҡорт аты һәм һунар ҡоштары үҙәген төҙөү өсөн ер бүленде

Башҡортостанда тағы бер нисә инвестор үҙ проекттарын бойомға ашырыу өсөн ябайлаштырылған процедура буйынса ер алды. Республика Башлығы ҡул ҡуйған бойороҡтар торлаҡ, коммерция һәм социаль йәһәттән мөһим объекттар төҙөү пландарына ҡағыла.

Башҡортостандың Туризмды үҫтереү үҙәге Евразия күсмә цивилизациялар музейын төҙөү барышында башҡорт аты һәм һунар ҡоштары үҙәген булдырыу өсөн Шишмә районында 2,6 мең сутый ерҙе ҡуртымға алды. Радий Хәбиров һүҙҙәренсә, был объекттар һөнәрселәр ауылы һәм башҡа этно-тарихи майҙансыҡтар менән бергә музей комплексы эргәһендә урынлашырға тейеш, тип хәбәр иткәйне «Башинформ». Бынан алда музей төҙөү өсөн 1,95 мең сутый бүленде.

«Стройинвест Компанияһы» Стәрлетамаҡтың көнбайышындағы 2-се биҫтәһендә һатыулашыуһыҙ 83 сутый участканы алды һәм бында 9,7 мең квадрат метр торлаҡ төҙөргә, ә 6 фатирҙы алданған өлөшсөләргә тапшырырға вәғәҙә бирҙе.

«Акцент» йәмғиәте Өфө районының Дорогин ауылында магазин төҙөй, шуның өсөн компания сауҙалашыуһыҙ 50 сутый,  «Волкодав сервис» Архангел районы үҙәгендә юл буйы комплексын һалыу өсөн 100 сутый ерҙе ҡуртымға алды.

https://www.bashinform.ru/news/economy/2023-10-27/v-bashkirii-vydelili-zemlyu-pod-stroitelstvo-tsentra-bashkirskoy-loshadi-i-pevchih-ptits-3495869