Башҡортостанға радиоэлектрон технопарк өсөн 504 миллион һумлыҡ федераль субсидия бүленә

Башҡортостанға электрон сәнәғәт өлкәһендә сәнәғәт технопарктары инфраструктураһын үҫтереү өсөн 504 миллион һум күләмендә федераль аҡса йүнәлтелә. Финанслауҙы бүлеүҙе раҫлаған ҡарарға хөкүмәт рәйесе Михаил Мишустин ҡул ҡуйған.

Конкурс буйынса һайлап алыу һөҙөмтәләренә ярашлы, федераль бюджеттан Башҡортостанға  (504 миллион һум), Владимир өлкәһенә (900 миллион һум), Түбәнге Новгород өлкәһенә (632,7 миллион һум) һәм Татарстанға (241,8 миллион һум) аҡса бүленә.

Субсидиялар технопарктарҙың идара итеүсе компанияларына сәнәғәт инфраструктураһы объекттарын проектлау, төҙөү йәки модернизациялау, ҡорамалдар һатып алыу, шулай уҡ сәнәғәт корпустарын инженер селтәрҙәренә технологик тоташтырыу сығымдарын өлөшләтә ҡапларға мөмкинлек бирә.

Бынан алдараҡ «Башинформ» Өфөнөң Киров районында «РВ-1» радиоэлектрон технопарк асырға йыйыныуҙарын хәбәр иткәйне. Уны төҙөү өсөн 1,2 миллиард һум федераль һәм республика аҡсаһын йәлеп итеү планлаштырыла.

«РВ-1» радиоэлектрон технопаркы проекты электрон сәнәғәт өлкәһендә объекттар төҙөүҙе күҙ уңында тота. 2030 йылға 370 эш урыны булдырыу планлаштырыла, потенциаль резиденттарҙың радиоэлектрон сәнәғәте продукцияһын тулайым сығарыу 3,6 миллиард һумдан ашыу тәшкил итәәсәк.

https://www.bashinform.ru/news/economy/2023-10-16/bashkiriya-poluchit-504-mln-federalnyh-subsidiy-na-sozdanie-radioelektronnogo-tehnoparka-3479808