Башҡортостан ипотека алыу мөмкинлеге буйынса Рәсәйҙең 30 төбәге иҫәбенә инде

Уҙған йылда Башҡортостанда ипотека алыу мөмкинлеге һиҙелерлек артҡан. РИА Новости әҙерләгән төбәктәр рейтингы мәғлүмәттәре ошо турала һөйләй. Башҡортостан унда 26-сы урында тора, ә былтыр ошондай рейтингта 39-сы баҫҡыста ине.

Рейтингта тәүге өс урында – ЯНАО, Магадан өлкәһе һәм Чукотка. Бында ғаиләләрҙең 60% яҡыны кредитҡа ике бүлмәле фатир һатып алыу мөмкинлегенә эйә. Һуңғы урындарҙы Севастополь, Ҡарасәй-Черкес һәм Дағстан биләй (күрһәткестәр 10% артмай). Башҡортостанда бер йыл элек был күрһәткес 24,4% булһа, хәҙер 30,7 % процент тәшкил итә. Санкт-Петербург рейтингта, Башҡортостанды бер баҫҡысҡа уҙып китеп, 25-се урынды алды. Мәскәү иһә әлеге рейтингта 50-се урында тора. Ғөмүмән, Рәсәйҙә рәсми килеме һәм ипотека алыу мөмкинлеге булған ғаиләләрҙең өлөшө (2023 йылдың авгусына ҡарата) 27,8% кимәлендә.

«Башинформ» август айында Башҡортостанда 1,8 миллион квадрат метр торлаҡты файҙаланыуға тапшырыуҙары тураһында хәбәр иткәйне. Был һан былтырғы күрһәткестәрҙән 5% күберәк.

https://www.bashinform.ru/news/economy/2023-10-02/bashkiriya-voshla-v-top-30-rossiyskih-regionov-po-dostupnosti-ipoteki-3461563