Республикала 2024 йылға халыҡтың йән башына йәшәү минимумы күләме билдәләнде

Башҡортостанда йәшәү минимумы күләме үҙгәрә. 2024 йылдың 1 ғинуарынан республикала бер кешегә йәшәү минимумы 13 576 һум тәшкил итергә тейеш (хәҙер—   12 650 һум). Эшкә һәләтле халыҡ өсөн йәшәү минимумы 1008 һумға арта (14 798 һумға  еткерелә). Пенсионерҙарға — 12 470 һум (+ 480 һум), балаларға 13 169 һум (+ 898 һум) була. Бындай күрһәткестәр киләһе йылдың аҙағына тиклем ғәмәлдә ҡала.

Шулай итеп, граждандарҙың төрлө категориялары өсөн йәшәү минимумы 4% алып 7,3% тиклем арттырыла.

Халыҡтың йән башына һәм айырым социаль-демографик төркөмдәргә йәшәү минимумының яңы күләме Башҡортостан Хөкүмәте ҡарары менән билдәләнгән. Документ республиканың рәсми хоҡуҡи мәғлүмәт интернет-порталында баҫылған.

Бынан алдараҡ «Башинформ» 2024 йылдың 1 ғинуарынан Рәсәйҙә минималь хеҙмәт хаҡының 18,5 процентҡа артасағын хәбәр иткәйне.

https://www.bashinform.ru/news/economy/2023-09-11/v-bashkirii-nazvali-razmer-prozhitochnogo-minimuma-na-dushu-naseleniya-v-2024-godu-3429937