Башҡортостан һәм Өфө яңылыҡтары
88.02
0
96.04
0
81.86
-0.77
15+ °C
Болотло
Бөтә яңылыҡтар
Иҡтисад
5 Сентябрь 2023, 16:43

Республикала льготалы ИТ-ипотека программаһы ярҙамында 2 миллиард һумдан ашыу кредит бирелгән

Башҡортостан хөкүмәте
Фото:Башҡортостан хөкүмәте

Башҡортостанда льготалы ИТ-ипотека программаһы эшләй башлағандан алып 1170 ғариза ҡабул ителгән, 2 миллиард һумлыҡ суммаға 300-ҙән ашыу кредит бирелгән. Был хаҡта социаль селтәрҙә Башҡортостан хөкүмәте премьер-министры Андрей Назаров хәбәр итте. Республиканың федераль кимәлдә билдәләнгән ставканы өҫтәмә субсидиялау һөҙөмтәһендә хәҙер республикала йылына 4% менән ошондай кредит алырға мөмкин, тип билдәләне ул. «Башинформ» агентлығы хәбәр иткәнсә, ИТ-белгестәр өсөн ташламалы ипотека 2022 йылдың мартынан ғәмәлдә.

Кредиттың максималь суммаһы –  6 миллион һум. Программала ҡатнашыусылар республика биләмәһендә төҙөлөп ятҡан йорттан йәки әҙер фатир, шулай уҡ йорт һатып алыу өсөн ипотека кредитын алырға хоҡуҡлы. Аҡсаны подряд килешеүе буйынса өй һалыу йәки ошондай төҙөлөшкә участка һатып алыу өсөн тотонорға мөмкин.

Башҡортостанда теркәлгән һәм аккредитацияланған ИТ-компанияла эшләп йөрөгән 50 йәшкә тиклемге Рәсәй граждандары льготалы ипотека кредиты алыу мөмкинлегенә эйә. Ошо программа тураһында тулыраҡ мәғлүмәтте бында белергә була.

Бынан тыш, 1 сентябрҙән Рәсәйҙә ИТ-белгестәр өсөн ипотека займдары шарттарын йомшартылды. Хәҙер 36 йәшкә тиклемге хеҙмәткәрҙәр минималь эш хаҡын раҫларға тейеш түгел.

https://www.bashinform.ru/news/economy/2023-09-05/v-bashkirii-po-programme-lgotnoy-it-ipoteki-vydano-bolee-2-milliardov-rubley-kreditov-3420172

Автор:Роман Якимчук
Читайте нас: