80.96
-0.95
Башҡортостан һәм Өфө яңылыҡтары
91.92
-0.99
62.72
+0.57
8+ °C
Ясна
Бөтә яңылыҡтар
Иҡтисад
1 Сентябрь 2023, 17:27
Радий Хәбиров Нефть һәм газ сәнәғәте хеҙмәткәрҙәре көнөнә арналған тантаналы йыйылышта сығыш яһаны
«Башнефть» — илебеҙ өсөн стратегик яҡтан мөһим булған компанияларҙың береһе. Бында 35 меңдән ашыу беренсе класлы, намыҫлы һәм үҙ эшенә тоғро белгестәр эшләй, тине Башҡортостан Башлығы Радий Хәбиров бөгөн Нефть һәм газ сәнәғәте хеҙмәткәрҙәре көнөнә арналған тантаналы йыйылышта. Сара Өфөнөң «Торатау» конгресс-холында уҙҙы, тип хәбәр итә «Башинформ».
«Башҡортостандың үҫеш тарихы «Башнефт»тең үҫеш этаптары менән бәйле. Уның менән бергә ҡатмарлы үҫеш юлы үткән компания ветерандарына айырым рәхмәт һүҙҙәрен әйткем килә. «Башнефть» республиканың төп финанс партнеры ла булып тора, өҫтәүенә компания Башҡортостандың ғилми-технологик үҫешенә тос өлөш индерә», — тине Радий Хәбиров.
Республика етәксеһе «Башнефть» компанияһының хәйриә эшмәкәрлегенә айырым туҡталды һәм Башҡортостан ҡалалары, райондары хаҡында хәстәрлек күреүе өсөн рәхмәт белдерҙе.
Һуңғы өс йылда ғына Башҡортостан нефтселәре хәйриә проекттарына 4,5 миллиард һумдан ашыу аҡса йүнәлткән. 47 район-ҡалала 140-тан ашыу проект ғәмәлгә ашырылған, тиҫтәләгән ҙур социаль инфраструктура объекттары асылған.
«Кушнаренко һәм Тәтешле райондарында ике яңы балалар баҡсаһы барлыҡҡа килде. Өфөлә «Һөйөклө сабыйым» абилитация үҙәге төҙөкләндерелде, үҙенсәлекле балаларға ярҙам итеү өсөн республикала берҙән-бер нейростудия булдырылды», — тип билдәләне Радий Хәбиров.
Бөгөн, Белем көнөндә, Башҡортостанда «Башнефть» ярҙамында төҙөлгән ике мәктәп асылды. Хәйбулла районының Аҡъяр ауылында 140 урынлыҡ интернат менән 550 уҡыусыға иҫәпләнгән полилингваль күп профилле мәктәп һәм Әлшәй районының Раевка ауылында 375 урынлыҡ мәктәп.
Башҡортостан Башлығы компанияның барлыҡ хеҙмәткәрҙәренә һаулыҡ һәм яңы уңыштар теләп, республиканың дәүләт наградаларын тапшырҙы.
«Башнефть» акционерҙар нефть компанияһының генераль директоры Андрей Лазеев та коллегаларын һөнәри байрамы менән ҡотланы. Тантаналы сара байрам концерты менән тамамланды.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».