Башҡортостандың Ҡытай менән үҙ-ара тауар әйләнеше 2023 йылдың тәүге яртыһында 88% тиерлек артҡан. Был хаҡта республика премьер-министры Андрей Назаров хәбәр итте. Уның мәғлүмәттәре буйынса, экспорт һәм импорт күләме лә 82% һәм 155% күберәк.
Республиканың Ҡаҙағстан менән хеҙмәттәшлегендә лә уңыштар билдәләнә. Тауар әйләнешенең — 4%, ә экспорттың 9,5 % артыуы күҙәтелә.
«Башинформ» Башҡортостандың биш айҙа Берләшкән Ғәрәп Әмирлектәре менән тауар әйләнешенең 10 тапҡырға артыуын да хәбәр иткәйне.