Радий Хәбиров Ишембай районынан балыҡсылыҡ хужалығы етәксеһен «Инвестсәғәт»кә саҡырҙы
Бөгөн Башҡортостан Башлығы Радий Хәбиров Ишембай районындағы эш сәфәре барышында «ШЭ Зөбәйеров» крәҫтиән-фермер хужалығында булды. Бында карп, толстолобик, аҡ амур һәм ҡарабарлыҡ үрсетелә. Был проектҡа дөйөм инвестициялар күләме 25 миллион һум тәшкил итә.
Радий Хәбиров балыҡсылыҡ майҙансығы эше менән танышты һәм ауыл хужалығы предприятиеһы етәксеһе менән артабанғы үҫеш планы хаҡында һөйләште. Агрофирма директоры Фәнис Зөбәйеров хужалыҡты 2020 йылдың ғинуарында асыуы хаҡында белдерҙе. Етештереү ҡеүәте – йылына 20 тонна тауар балығы. Проект буйынса 12 быуаның алтауһы эшләй башлаған. Һыу ятҡылыҡтарының дөйөм майҙаны – 23 гектар. Предприятиела инкубация цехы эшләп килә.
Фермер йыллыҡ етештереү ҡеүәтен 30 тоннаға тиклем еткерергә һәм туристик инфраструктураны үҫтерергә планлаштыра. Атап әйткәндә, фермер хужалығын «Башҡорт оҙон ғүмерлелеге» республика программаһында ҡатнашыусылар ҡарарға килә.
Ишембай хужалығы тере балыҡ һатыуҙан тыш, вакуумлы ҡапта ҡаҡланған балыҡ етештереү менән шөғөлләнә. Был продукция Өфө, Стәрлетамаҡ, Салауат һәм Мәләүез ҡалаларының сауҙа кәштәләренә һатыуға ҡуйыла. Ә балыҡ үрсетеү материалы Ырымбур һәм Киров өлкәләренә, Татарстан һәм Удмурт республикаларына оҙатыла.
Республика Башлығы агрофирмаға ярҙам итеү саралары хаҡында һөйләшергә «ШЭ Зөбәйеров» крәҫтиән-фермер хужалығы вәкилдәрен «Инвестсәғәт»тең сираттағы ултырышына саҡырҙы.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.