Миәкә районында туристик комплекс киңәйтелә

Миәкә районында «Нарыҫтау» туристик комплексы киңәйтелә, тип хәбәр итте проект кураторы Альберт Сәфәрғолов Республика йортонда уҙған «Инвестиция сәғәте»ндә.

Турбаза 2019 йылда Сергеев быуаһы буйында төҙөлгән. Уның биләмәһендә 25 кешелек тирмәләр, мунса комплексы, кафе һәм беседкалар бар.

Хәҙер инвестор туристар өсөн 36 урынға иҫәпләнгән ҡунаҡхана комплексын төҙөргә йыйына. Бының өсөн 41 миллион һум талап ителә.

Республиканың инвестиция комитеты тәҡдим ителгән проектты хупланы һәм уға өҫтөнлөклө тигән статус бирҙе. Уны ғәмәлгә ашырыу барышында инженер инфраструктураһын булдырыуға сығымдарҙың бер өлөшө кире ҡайтарыла.

Бынан тыш, быйыл проблемалы юлдарҙы ремонтлау программаһы буйынса Әлшәй районының Ҡыпсаҡ-Асҡар ауылынан алып Миәкә районының Нарыҫтау ауылына хәтлем автомобиль юлы участкаһы тәртипкә килтерелә, ошо юл менән турбазаға барырға мөмкин.

Башҡортостан Башлығы Радий Хәбиров инвесторҙарға турбаза биләмәһендә ҡунаҡтар өсөн глэмпинг йәки башҡа форматтағы объекттар төҙөү мөмкинлеген дә ҡарарға кәңәш бирҙе.

https://www.bashinform.ru/news/economy/2023-07-20/turisticheskiy-kompleks-v-miyakinskom-rayone-bashkirii-budet-rasshiren-3348577